प्रतियोगी गजल - गरिमा आचार्य 2078/04/13 मान्दामान्दै उसका कुरा आज जुठो भएँ म ता समयले पछारेर दह्रो कुटो भएँ म ता । जतिसुकै विश्वासले सेके पनि उसलाई मेरो सत्य बिझाएछ साह्रै झुटो भएँ म ता । लालाबाला पनि काम लागे खै त मेरा लागि हाँगाबिँगा फैले पनि ठुट्टै ठुटो भएँ म ता । जता गए पनि साह्रै हण्डर मात्रै पाएँ मैलेसुक्तासुक्ता अदुवाको सानो सुठो भएँ म ता । जसले जे ठाने पनि राखिछाड्छु गरिमा त लिँदालिँदै उपहार आफैँ मुठो भएँ म ता ।

 

प्रतियोगी गजल
- गरिमा आचार्य 2078/04/13

मान्दामान्दै उसका कुरा आज जुठो भएँ म ता
समयले पछारेर दह्रो कुटो भएँ म ता ।

जतिसुकै विश्वासले सेके पनि उसलाई
मेरो सत्य बिझाएछ साह्रै झुटो भएँ म ता ।

लालाबाला पनि काम लागे खै त  मेरा लागि
हाँगाबिँगा फैले पनि ठुट्टै ठुटो  भएँ म ता  ।

जता गए पनि साह्रै हण्डर मात्रै पाएँ मैले

सुक्तासुक्ता अदुवाको सानो सुठो  भएँ म ता ।

जसले जे ठाने पनि राखिछाड्छु गरिमा त
लिँदालिँदै उपहार  आफैँ मुठो भएँ म ता ।