प्रतियोगी कविता - लक्ष्मी रिजाल कोरीबाटी गरेर ठूलो आश बोकेर पुगेँ म त बलैले चिसो त्रास बोकेर । कालो हो कि सुनौलो भुल्दिनँ म त्यो क्षण फर्केँ बल्ल उसको काँचो घाँस बोकेर । बोलाउँदा बलैले तातेर आयो बल्ल एमसिसी विरोधी उज्यालो बाल्यो बल्ल । भोलिको भविष्य नै आजै उठी आयो र विष फल्ने बिरुवा मिचेर ढाल्यो बल्ल । चारैतिर सुन्दर मलाई मात लाग्यो उसैको संगतले खरबौँ हात लाग्यो । चौरीमा उभिएर चोला लिलाम गर्दा लठ् ठिएको भनेर मलाई बात लाग्यो । ( पुनश्च: यहाँ मैले 4+3___4+3=14 अक्षर हुने बालोरी लोकछन्दमा प्रेमप्रणय; प्रकृतिप्रेम र स्वदेशप्रेमसम्बन्धित मुक्तकहरू सिर्जना गर्ने प्रयास गरेकी छु । धन्यवाद !)

प्रतियोगी कविता
- लक्ष्मी रिजाल
कोरीबाटी गरेर ठूलो आश बोकेर
पुगेँ म त बलैले चिसो त्रास बोकेर ।
कालो हो कि सुनौलो भुल्दिनँ म त्यो क्षण
फर्केँ बल्ल उसको काँचो घाँस बोकेर ।

बोलाउँदा बलैले तातेर आयो बल्ल
एमसिसी विरोधी उज्यालो बाल्यो बल्ल ।
भोलिको भविष्य नै आजै उठी आयो र
विष फल्ने बिरुवा मिचेर ढाल्यो बल्ल ।

चारैतिर सुन्दर मलाई मात  लाग्यो
उसैको संगतले  खरबौँ हात  लाग्यो ।
चौरीमा उभिएर चोला लिलाम गर्दा
लठ् ठिएको भनेर मलाई बात लाग्यो ।

( पुनश्च: यहाँ मैले 4+3___4+3=14 अक्षर हुने बालोरी लोकछन्दमा प्रेमप्रणय; प्रकृतिप्रेम र स्वदेशप्रेमसम्बन्धित मुक्तकहरू सिर्जना गर्ने प्रयास गरेकी छु । धन्यवाद !)